Ma che bel Chalandamarz
Il Chalandamarz da quist an d'eira per me il meglder fin uossa. Tuot ils scolars d'eiran ficha agitos per quist di. E quels dal s-chelin ot d'eiran auncha pü agitos perche cha stuvaivan avair tuot pront pel prossem di.
Ils 01.03.23 d'eira il di. Gabriel, il dirigent ed eau, il vitürin vains stuvieu ir pü bod a scoula per der sü bellet e per metter sü la barba. Zieva cha d'eirans afin essans ieus a cumanzer a preparer la culuonna per cumanzer. Tuot d'eira pront, il dirigent, il vitürin, ils pesters, ils chaschiers, ils sains ed ils chavals. Alura a las 08:00 ho cumanzo il cortegi. Ils scolars dal s-chelin ot vaivan già cumanzo a fümer la terza cigarra. Que d'eira ün pô fraid, ils mauns nu's sentiva pü.
La prüma fermeda vains stuvieu ir davous il Rondo e perque stuvaivans ir sülla via. Vains cumanzo fich bain cun las duos chanzuns. Nus essans ieus sü dal Rondo ed ingiò fin tar Godin. Zieva essans ieus sü fin tar l'Hotel Kronenhof e lo essans ieus aint il hotel e fat la granda posa, grazcha fich per las bunas liangias ed ils paunins.
Alura d'eirans plain forza per continuer, vains darcho ans miss in lingia pronts per ir ed essans ieus a chanter sülla plazza dal Rondo. Per finir la bunura vains auncha chanto üna vouta davaunt il Sporthotel e zieva vains fat la posa granda da mezdi.
Las mattas haun fat il manger, que ho do pasta bolognese, que d'eira fich bun. Zieva il manger vains cumanzo a scumpartir las dutscharias per ils scolars. Cur cha d'eirans afin essans ieus a giodair il bel sulagl e vains puso. Cur cha sun gnieus tuot ils scolars darcho sün chesa da scoula, vains cumanzo a metter sü, pel zievamezdi. A las 14:00 essans partieus, al zievamezdi d'eira il cortegi plain turists e glieud, nus vains gieu grand gust da vzair uschè bgera glieud. Al zievamezdi essans ieus sülla Via Cruscheda e giò fin tar l'Hotel Steinbock ed il Hotel Walther. Lo vains mangio ün paunin e bavieu qualchosa, d'eirans già magari staungels. Ma vains trat tres fin a la fin, darcho tal Sporthotel. Lo vains finieu cun üna buna marenda. Quist Chalandamarz d'eira propi perfet, il ultim per nus cha nu schmancharons mê pü. 3. Sek Paulo