Turnier d’utuon 2016

Scu tuot ils ans, aunz las vacanzas d'utuon, partecipeschan la 6evla classa è'l rest dal schelin ot tal turnier d'utuon. Circa 3 eivnas aunz il turnier haun ils scolars da la reela cumanzo a preparer tuot. Pü tard haune alura pendieu sü üna glista, per cha quels cha vöglian esser chefs da las gruppas as pudessan annunzcher. Ün per dis pü tard pendaiva già sü la glista cullas gruppas. In tuot daiva que 13 gruppas. Il chef da la gruppa stuvaiva alura scriver sülla glista, chenün thema ch'els vöglian esser. In ün di d'eira la glista già bod plaina.

Mieu gruppa d'eira  Romeu, Diana, Jessica, Flurin ed eau. La chef d'eira Diana. In tuots vains tschernieu leder scu nos thema. Tuots d'eiran fich agitos aunz il turnier, ma al listess mumaint ans allegraivans pervi da las vacanzas. La reela vaiva tschernieu tschêl e terra, ballapè, basketball, Luftgewehr e volleyball  scu sports per quist turnier. Mincha squedra vaiva da giuver 2 voutas mincha gö, in tuot daiva que 10 gös. Aunz la posa as sun tuosts ieus a preparer illas gardarobas da la scoula. Que nu daiva bod na üngüna plazza. Dandetamaing cumanzaiva il turnier e tuots d'eiran plain energia per quadagner quist. Güst il prüm stuvaiva mieu squedra ir a fer la foto da gruppa.

Il sulagl speriva dandetamaing davous las muntagnas, e paraiva da gnir ün bel di da turnier. Ils magisters d'eiran scumpartieus i'ls diferents lös da gö per fer schiri. Basketball gniva giuvo illa halla granda, Luftgewehr in quella pitschna part aint illa halla granda, volleyball sülla plazza da posa, ballapè sülla plazza da ballapè e tschêl e terra aint illa halla pitschna. Zieva mincha gö daiva que üna posa da circa 5 minuts . La squedra gniva minchataunt trist u minchataunt eir cuntaint dal gö. Ün pêr gnivan eir grits cul schiri.

A mezdi daiva que üna posa granda per manger. Que daiva Schnitzelbrot cun salata e da baiver ice tea. Que deira fich bun. Zieva daiva que auncha tuortas cha bgers scolars vaivan fat. Pü tard giaiva il turnier inavaunt. Que gniva chod. Al zieva mezdi ho mieu squedra guadagno tuot ils gös.

Il turnier gniva a fin e tuots ils scolars güdaivan a rumir las plazzas cha gnivan druvedas per giuver. Cur cha d'eirans a fin cun rumir gniva la Preisverteilung. Quels chi vaivan guadagno dapü d'eiran ils colours. Ils meglders vstieus vaivan ils clowns ed in totel haun guadagno ils colours. Mieu squedra es resteda illa 3.plazza. Zieva que ans allegraivans z^tuots süllas vacanzas. Leonardo 2.Sek.